Биектау районы Өмбе авылында "Изге азан" мәчете ачылды.
Мәчетне ачу тантанасында Татарстан мөфтие урынбасары Рөстәм хәзрәт Хәйруллин, Биектау районы башлыгы Рөстәм Кәлимуллин катнашты. Ачылу тантанасында авыл халкы, хәзерге вакытта авылдан читтә яшәүче якташлар да килгән иде.
Мәчет ачылышының шаһитлары булган барлык халык белән бергә җомга намазы укылды. Бинаның төзелешенә хезмәте кергән, аның эшчәнлеген башлап җибәрүдә ярдәме тигән һәркемгә дә рәхмәт җиткерелде, исәнлекләре өчен дога кылынды.
