Республика мөхтәсибәтләрендә Татарстан мөфтие карары нигезендә, октябрь аеннан башлап, Әхмәтһади Максудиның «Гыйбадәте исламия» исемле китабы буенча викторина үткәрелеп килә. Ноябрь дәвамында аның икенче туры – казыятьләрдә үткәрелә.
Мәгълүм булганча, Татарстан Җөмһүрияте мөселманнарының Диния нәзарәте тарафыннан 2016 ел “Әбү Хәнифә мәзһәбе елы” дип игълан ителде. Бу ел кысаларында Әбү Хәнифә мәзһәбенең әһәмияте, аның мирасы, байлыгы белән таныштыручы күп кенә чаралар үткәрелә. Шундый чараларның берсе -Әхмәтһади Максудиның (1868-1941) “Гыйбадәте исламия” китабы буенча балалар арасындагы викторина. Әлеге бәйгенең төп максаты яшьләргә рухи-әхлакый тәрбия бирү, ислам нигезләре буенча белемнәрен арттыру.
Бу хакта тулырак мәгълүмат биредә: “ГЫЙБАДӘТЕ ИСЛАМИЯ” КИТАБЫН БАЛА ЧАКТАН ӨЙРӘНЕП ҮСҮ КИРӘК
