Бүген Татарстан мөфтие Камил хәзрәт Сәмигуллин Әлмәт районына эшлекле сәфәр кыла. Мөфти Р.Фәхретдинов исемендәге Әлмәт мәдрәсәсе шәкертләре белән очрашты. Әлеге очрашуда шулай ук имам-мөхтәсиб Фәһим хәзрәт Әхмәтҗанов катнашты.
Мөфти шәкертләргә Коръән хакында сөйләде. Быел республика күләмендә Коръән уку конкурсы үткәрелүе хакында әйтте. “Мөхтәсибәт турлары узды, казыят туры ахырына якынлаша. Республика турына әзерләнәбез. Соңгы тур 8 декабрьдә Казанда үткәрелә Мондый конкурслар гыйлем үзләштерергә өстәмә стимул булып тора”, - диде мөфти.
Шәкертләр мөфтигә үзләренең сорауларын да бирделәр.
