30 ноябрь көнне Диния нәзарәтенең дәгъват бүлеге Кукмара мөхтәсибәте белән берлектә Мәүлид кичәсе оештырды. Бәйрәм чарасы район Мәдәният йортында дин әһелләре, мөслимәләр, шәкертләр һәм күпсанлы халык катнашында узды. Дәгъват бүлеге җитәкчесе Нияз хәзрәт Сабиров Кукмара халкын Татарстан мөфтие Камил хәзрәт Сәмигуллин исеменнән сәламләде һәм Мәүлид ае белән котлады.
"Ошбу Мәүлид аенда догалар уку, тыңлау, дини мәҗлесләр корып салаватлар әйтү, хәер-догалар өләшү - Бөек Раббыбыз һәм Аның Рәсүленә ﷺ карата ихласлыгыбызны күрсәтә. Пәйгамбәребез ﷺ туган кичәне хөрмәт итү булып тора. Мәүлид кичәсе бер-беребезгә карата кардәшлек хисләрен ныгыту, хөрмәт итүне арттыру көне дә", - дип сөйләде Нияз хәзрәт.
Кичә җырчы Динар Шәһмарданов Пәйгамбәребезгә багышланган мөнәҗәтләре, Аның тормыш юлын һәм сыйфатларын барлау, догалар кылу белән дәвам итте.
