Рабигыльәүвәл аеның - Мәүлид аеның 12 нче көне - бөтен ислам дөньясы өчен мөбарәк көн. Бу көнне сөекле Пәйгамбәребез (саллаллаһу галәйһи вә сәлләм) дөньяга килгән. "Бу уңайдан 4 декабрь көнне сәгать 10 да Казанның Гадел мәчетендә мәдрәсәдә укучы балалар һәм өлкәннәр өчен Мәүлид бәйрәме оештырыла. 10 нчы декабрьдә сәгать 11 дә Кукмара районының Өркеш авылында, күрше- тирә авыл мөселманнары белән җыелышып, Мәүлид бәйрәме уздырырга җыенабыз", дип хәбәр итте Гадел мәчете мөгаллимәсе Фәниябикә абыстай Җәләлиева.
Бәйрәмдә бергә булыйк, сөекле Пәйгамбәребезгә бергәләп салаватлар әйтик!
