Әлмәт мөхтәсибәте призына көрәш турниры уздырылды. Ике сәгатьтән артык барган ярышта районның яшь спортчылары катнашты. Бу турнирны уздыру үзе бер күркәм традициягә әйләнеп бара, быел мәүлид аена багышланды.
Көрәш башланыр алдыннан имам-мөхтәсиб Фәһим хәзрәт Әхмәтҗанов үзенең нәсихәтләрен җиткерде.”Без рухи һәм физик тәрбия хакында кайгыртырга тиеш.Мондый турнирларны милли спорт төрләрен пропагандалау һәм традицион ислам кыйммәтләре хакында аңлату ниятеннән уздыру да кирәк”, - диде ул.
Ахырдан Фәһим хәзрәт җиңүчеләргә бүләкләр тапшырды.
