Пресс-релиз
Татарстан мөселманнары Диния нәзарәте быел “Әбү Хәнифә мәзһәбе елы" кысаларында беренче мәртәбә мәшһүр татар дин галиме Әхмәтһади Максудиның “Гыйбадәте исламия" китабы буенча балалар арасында викторина оештырды.
Башта мөхтәсибәтләрдә, аннары казыятьләрдә уздырылган викторинаның республика туры 24 декабрь көнне Галиев мәчетендә үткәреләчәк.
Әлеге бәйгене үткәрү тәртибе:
9:00-9:50 - регистрация һәм иртәнге аш (мөфтият ашханәсе)
10:00-10:15 - бәйгенең ачылышы (Галиев мәчете)
10:00-11:50 – бәйге
12:00-12:25 - өйлә намазы
12:30-13:15 - төшке аш (мөфтият ашханәсе)
13:26-13:35 - икенде намазы
13:35-14:00 - җиңүчеләрне һәм бәйгедә катнашучы барлык балаларны бүләкләү
Республика турында алдагы этапларда (төбәк турында) җиңүчеләр (2 малай һәм 2 кыз) катнаша. Республика турында викторина сораулары катлаулылыгы буенча 3 төркемгә бүленәчәк. 45 сораудан торган язмача тест формасында үткәреләчәк. Шулай ук һәр катнашучы үзе сайлаган татар дин әһеле һәм аның мирасы турында телдән чыгыш (доклад) әзерләргә тиеш. Чыгыш ясау вакыты – 5 мин.
Журналистларны әлеге чарага чакырабыз!
ТР МДН матбугат хезмәте - 237-59-39, info@dumrt.ru
Мөхтәрәм имам-мөхтәсибләр, бәйгедә катнашачак балаларның исемнәрен бу адреска җибәрсәгез иде: nmuslim84@mail.ru
ТР МДНнең дәгъват бүлеге
