Шушы көннәрдә мөселман яшьләре берлеге активистлары җимлекләр ясау буенча мастер-класс уздырдылар. Мастер-класс “Иман” мәчетендә узды. Анда балалар йортында тәрбияләнүчеләр, мәчет каршындагы курсларга йөрүчеләр катнашты. Мөселман яшьләре берлегенең тәҗрибәле кул осталары яшүсмерләр белән бергә берничә җимлек ясадылар. Һәрбер катнашучы игелекле эшкә үз өлешен кертте. Һәр җимлек канатлы дусларыбыз өчен бик зур ярдәм.
Оештыручылар сүзләренә караганда, шундый чаралар яшүсмерләрдә эшне, табигатьне ярату хисен уятырга, аларны әйләнә-тирә мохиткә сакчыл карарга өйрәтергә ярдәм итә. Икенче көнне барлык җимлекләр дә шәһәр мәчетләре территорияләрендә урнаштырылды. Аллаһы Тәгалә мастер-класста катнашучыларның кылган игелекле гамәлләрен кабул итеп аларга әҗер-савапларын бирсен иде. Әмин!
