"Зәкят" хәйрия фонды җитәкчесе Ирек хәзрәт Җиһаншин Алабуга Җәмигъ мәчетендә җомга намазы үткәрде. Үтемле һәм бик эчтәлекле вәгазь зәкят темасына багышланган иде.
Җомга намазыннан соң мәхәллә халкы белән очрашу булды. Мөселманнар үзләрен кызыксындырган төрле сорауларын биреп җавап таба алдылар. Бик нык борчыган сорауларның берсе хәләл мәсьәләләренә кагылышлы булды.
Очрашу бик файдалы үтте, Ирек хәзрәткә мәхәллә халкы рәхмәтләрен җиткерде һәм киләчәктә дә шундый очрашулар ешрак кабатлануын теләде.
