Актаныш имамнарының быелгы беренче җыелышлары уздырылды

25 гыйнвар 2017 ел 14:52
Актаныш имамнарының быелгы беренче җыелышлары уздырылды

Актаныш районы Җәмигъ мәчетендә 25 гыйнварь көнне имамнар җыелышы үтте. “Имамнарыбыз өчен әлеге җыен 2017 елда беренче тапкыр. Узган   ел дәвамында без даими очраштык, барлыгы 11 җыелыш үткәрдек. Авыл имамнары белән очрашып сөйләшү, киңәшләшү бу елны да дәвам итәчәк, һәр айның соңгы чәршәмбесендә шундый җыеннар үтәр дип ниятләнә. Татарстан Диния нәзарәте яңалыклары, имамнарның бурычлары һәм вазыйфалары турында мәгълүмат җиткерәбез, аларны борчыган сорауларга җавап бирәбез”, - диде район имам-мөхтәсибе Руслан хәзрәт Мортазин. 
     Татарстан мөселманнары Диния нәзарәте тарафыннан 2017 ел “Галимҗан Баруди елы” дип игълан ителде. Җыелышта бу хакта да сүз булды.
Галимҗан Мөхәммәтҗан улы Баруди (Галиев) 1857 елның 17 февралендә Казан өязенең Кече Кавал авылында сәүдәгәр гаиләсендә туа. Өч елдан гаилә Казанга күчеп килә. 1862 елда Галимҗанны Казанда мәдрәсәгә укырга барәләр. 1875 елда ул укуын дәвам итәргә Бохарага китә.
1882 елда Г.Баруди, Казанга кайткач, дүртенче мәхәллә мәчетенә икенче мулла итеп билгеләнә. Кыска гына вакыт эчендә ул танылып өлгерә. Тиздән мөселманнарның Диния идарәсе аны имам итеп билгели һәм ул мәдрәсә ачарга рөхсәт ала.
1882 елда Г.Баруди мәдрәсә ача, ул анда җәдитчә укыта, әтисенең хөрмәтенә мәдрәсәгә “Мөхәммәдия” исеме бирелә. Мәдрәсә Русиядә мөселманнарның иң зур һәм дәрәҗәле уку йортына әверелә.
1905 елга кадәр Г.Баруди үзен тулысынча педагогик эшчәнлеккә багышлый. Ул дәреслекләр яза һәм бастырып чыгара, Мөхәммәдия мәдрәсәсендә укыта, аның биналарын киңәйтү һәм төзекләндерү белән шөгыльләнә, уку-укыту программасын яңарта һәм камилләштерә. Бу елларда мәдрәсә безнең төбәктә җәдитчә белем бирүче иң эре үзәкләрнең берсенә әверелә.
       Район авыл имамнарына мөфти Камил хәзрәт Сәмигуллин исеменнән Коръән китаплары таратылды. 

Сурәт - 1
Сурәт - 2
Сурәт - 3
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы