Чистай шәһәр хакимиятендә муниципаль берәмлек башлыгы урынбасары Михаил Ксенофонтов катнашында имамнар җыелышы узды.
Җыелышта аксакаллар советы рәисе Фәрит Мөҗип улы Галимов, мөселман яшьләре берлеге җитәкчесе Радик Вафин, Чистай музей-тыюлыгы директоры Александр Печенкин, туган якны өйрәнүче Георгий Лыков катнашты.
Тикшерүгә чыгарылган төп темаларның берсе булып Чистай мөселман зиратындагы борынгы кабер ташларын өйрүнү, тикшерү һәм саклау мәсьәләсе булды.
Бу сорау буенча җаваплы итеп Малик абый сайланды. Ул ике ай дәвамында бу кабер ташлары буенча мәгълүмат җыячак, туган якны өйрәнүче Лыков белән аралашачак. Шуннан соң гына яз көне төзекләндерү эшләре башланачак.
Җыелышта шулай ук Иске Роман, Җүкәтаудагы зиратларны төзекләндерү мәсьәләсе дә каралды. Барлык сораулар буенча да җаваплы затлар билгеләнде, эш планы төзелде.
