Хәзерге вакытта Г. Тукай исемендәге Татар дәүләт филармониясе бинасында Татарстан Республикасы Мәдәният министрлыгының 2016 елда эшчәнлегенең төп йомгакларына һәм 2017 ел бурычларына багышланган киңәйтелгән коллегиясе бара. Диния нәзарәтеннән чарада мөфтинең беренче урынбасары, министрлык каршындагы Иҗтимагый совет әгъзасы Рөстәм хәзрәт Батыр катнаша.
Коллегия эшендә шулай ук Татарстан Республикасының премьер-министры урынбасары Вәсил Шәйхрәзиев һәм министрлык коллегиясе әгъзалары, министрлыклар, ведомстволар һәм учреждениеләр вәкилләре, муниципаль районнарның башкарма комитет җитәкчеләре, муниципаль районнар мәдәният идарәләре җитәкчеләре, республика мәдәният, сәнгать һәм кинематограф учреждениеләре җитәкчеләре, ведомство буйсынуындагы учреждениеләр режиссерлары һәм сәнгать җитәкчеләре, иҗат берлекләре, иҗтимагый оешмалар җитәкчеләре, массакүләм мәгълүмат чаралары вәкилләре дә катнаша.
