Олы Кайбыч авылының “Салават күпере” спорт комплексында авыл мәхәлләләренең якшәмбе мәктәпләрендә укып йөрүче балалар мини футбол уенында көч сынаштылар. Әлеге чарада районның сигез мәхәлләсеннән дүртәр бала катнашты (һәр мәхәлләдән ике кыз, ике егет). Барлыгы кырыкка якын бала ярышты.
Ярышлар бик җитди рәвештә барды, беренче, икенче һәм өченче урыннар билгеләнде. Чараның ахырында балалар Олы Кайбыч авылы үзәк мәчетенә кайтып пылау белән сыйландылар, шунда ук аларга төрле бүләкләр әзерләнгән иде.
