5 нче февраль көнне Буа мәдрәсәсендә дини мәҗлесләр (корбан ашы, ифтар мәҗлесе, мәрхүмнәрне искә алу) уздыру буенча ачык дәресүтте. Ачык дәресләрне мәдрәсәнең кичке бүлегендә укучы - 1нче, 2нче, 3нче курс шәкертләре күрсәтте. Кичәне ир –атларда мәдрәсә директоры Рәшид хәзрәт Маликов, ә хатын- кызларда укыту эшләре буенча директор урынбасары Радия Халирахман кызы алып барды. Чарада мәдрәсә коллективы, Буа район имам-мөхтәсибе Илмир хәзрәт Хәсәнов, Буа шәһәренең имамнары, районның танылган абыстайлары катнашты.
Дини мәҗлесләр халкыбызны Ислам диненә өндәүче, яшь буынны Ислам әхлагында тәрбияләүче, борынгыдан калган гореф – гадәтләрне саклаучы мөһим чара булып тора. Шул максаттан чыгып бүгенге көндә еш уздырыла торган дини мәҗлесләрнең рухи тормышыбызда тоткан урынын анализлап, аларны Ислам кануннары буенча ничек итеп дөрес үткәрергә кирәк икәне шәкертләр тарафыннан күрсәтелде.
Мәҗлес соңында, милләтебезнең рухи мирасы булган бәетләрне, мөнәҗәтләрне саклау һәм киләчәк буынга тапшыру да безнең бурычыбыз икәнен искә алып, мөнәҗәтләр әйтелде. Үткәрелгән чаралар буенча фикер алышуларда, чакырылган хөрмәтле имамнарыбыз, абыстайларыбыз катнаштып, файдалы киңәшләрен бирделәр. Бу чара Корбан ашы белән мул табы артында изге догалар кылынып тәмамландылар.
Факиһә Сәлимова
