4 февральдә Азнакай шәһәренең Мәдәният йортында ир-атлар арасында Коръән укучылар конкурсы уздырылды. Конкурс Коръәннең 28,29,30 нчы җүзләрен (өлешләрен) белүчеләр арасында үткәрелде.
Татарстанның 19 районыннан Коръән укучылар катнашты. Әгерҗе районы данын яклап Чишмә авылы егете Мөхәммәд Корбанов чыгыш ясады һәм икенче урын алды.
Беренче урынга бүләк – олы хаҗга юллама, икенче урынга – гомрә хаҗына юллама булды. Өченче урынга – ноутбук.
Җиңү яулаган Мөхәммәд Корбанов әлеге вакытта Казанда Ислам университетында белем ала. Чын күңелдән райондашыбызны бу конкурста җиңүе белән тәбрик итәбез! Алдагы тормышында бәракәт, ныклы иман, файдалы белемнәр алып райондашларыбызга белемнәрен бирергә насыйп булсын! Амин!
