string(36) "http://dumrt.ru/news/news_17133.html"
14.03.2017 14:14

Бүген Татарстан мөфтие Камил хәзрәт Сәмигуллин Казанның Авиатөзелеш һәм Яңа-Савин районнары мөхтәсибәте имамнарының чираттагы җыелышында катнашты.  Очрашу “Нур-Ислам” мәчетендә уздырылды. Имамнардан тыш чарада “Госмания” мәдрәсәсе директоры Илсур Фатыйхов һәм шәһәр Башкарма комитеты  вәкиле Марат Сәлимгәрәев катнашты.

Татарстан мөфтие дин әһелләренә республика  мөселманнары тормышына кагылышлы хәбәрләр белән уртаклашты, вәгазь сөйләде. Хәзрәтләр белән бергә дин әһелләрен борчыган мәсьәләләр хакында фикерләште, сорауларга җавап бирде.

Шулай ук ул мәчет каршында эшләп килүче коръәнхафизлар әзерләү үзәге эшчәнлеге белән танышты. Биредә 30 лап бала шөгыльләнә. Алар арасында “Госмания” мәктәбендә белем алучылар да, шушы тирәдәге йортларда яшәүче балалар да бара. Дәресләрне тәҗрибәле остазлар алап бара, җомгадан башка барлык көннәрдә дә сабаклар була.

Бүгенге көндә Казанның Авиатөзелеш һәм Яңа-Савин районнары мөхтәсибәте 7 мәчетне берләштерә, имам-мөхтәсиб Фәнис хәзрәт Зарипов.