string(36) "http://dumrt.ru/news/news_17134.html"
14.03.2017 15:01

Бүген Татарстан мөфтие Камил хәзрәт Сәмигуллин Казанның Авиатөзелеш һәм Яңа-Савин районнары мөхтәсибәте имамнары белән очрашу кысаларында “Госмания” урта белем бирү мәктәбендә булды.

Муса Бигиев урамында урнашкан мәктәптә 129 бала белем ала. Аларга дөньяви белемнәр бирелә,  “Нур -Ислам” мәчете мөгаллимнәре Коръән, гарәп теле, әхлак, фикһ буенча факультатив дәресләр алып баралар.

“Безнең мәктәп укучылары төрле конкурсларда, викториналарда, олимпиадаларда актив катнашалар. Нәзарәт тарафыннан оештырылган чараларны да читтә калдырмыйбыз. Әйтик, Коръән уку һәм “Гыйбадәте исламия” китабы буенча уздырылган республикакүләм бәйгеләрдә катнаштык”, -дип сөйләде мәктәп белән таныштырганда уку йорты директоры Илсур хәзрәт Фатыйхов. Шулай ук нәзарәтнең фән һәм уку-укыту бүлегенә булышлык күрсәткән өчен рәхмәтен белдерде.

Камил хәзрәт мәктәп укытучылары, укучылары белән аралашты. Укучылар мөфтигә үзләренең гыйлемнәрен күрсәтергә дә өлгерделәр.