“Дин вә мәгыйшәт” газетасы 4 нче санының үзәк темалары булып Татарстан мөселманнарының 7 Корылтае нәтиҗәләре һәм Рамазан аена әзерлек тора. Укучыларга ураза тотарга ниятләүчеләр өчен киңәшләр, Бәраәт кичәсе намазы, шәгъбан аеның фазыйләтләре кебек мәгълүматлар файдалы һәм кызыклы булыр.
Газетаның “Мәгариф” сәхифәсе Болгар ислам академиясе төзелешенә багышланган, изге Болгардан бинаның соңгы фоторәсемнәре дә урнаштырылган.
Исламда кунак кабул итү, каберлекләрне зиярәт итү турындагы мәкаләләр бу әдәпләрнең әһәмиятен искә төшерә.
