ТР мөселманнарының Пленум утырышы узды

10 май 2017 ел 15:23

Бүген Казанда Татарстан Республикасы мөселманнарының чираттагы Пленум утырышы булды. Пленумга республиканың барлык 48 имам-мөхтәсибе, казыйлар, дини уку йортлары һәм мөселман оешмалар җитәкчеләре җыелды. Көн тәртибендәге сораулар булып мөфтиятнең президиум әгъзаларын, Казыйлар шурасы, Голәмәләр шурасы һәм Аксакаллар шурасының составларын һәм рәисләрен сайлау торды. Мөфти Камил Сәмигуллин үткән Корылтайда имамнар тарафыннан үзенә белдергән ышанычлары өчен рәхмәт әйтте һәм

яңа урынбасарлары белән таныштырды.

- Алдагы дүртъеллыкта безнең алда түбәндәге төп максатлар тора: Хәнәфи  мәзһәбен саклау, татар дини мирасны торгызу һәм үстерү, дин әһелләренең җәмгыятьтәге абруен күтәрү һәм традицион Исламның асыл кыйммәтләрен пропагандалау, - дип искәртте Камил хәзрәт үзенең чыгышында. - Шушы бурычларны башкарып чыгару өчен бездән иң әүвәл үзара килешеп һәм киңәшләшеп эшләү таләп ителә. Профессионализм тугрылык белән янәшәдә барганда гына үзенең иң югары дәрәҗәсенә җитә ала. Дингә, өммәткә, милләткә, ватанга карата тугры булып, чиста вөҗдан белән, бергә эшләргә язсын иде! Шушы Пленумда көчле, җаваплы һәм бердәм команда тупланыр дип өметләнеп калыйк. 

Ачык сайлаулар нәтиҗәсендә, ТР мөселманнарның Диния Нәзарәте Президиумына  15 әгъза билгеләнде. Алар арасында: Камил хәзрәт Сәмигуллин, Рөстәм хәзрәт Вәлиулин, Җәлил хәзрәт Фазлыев, Рәфыйк Мөхәммәтшин, Мансур Җәләлетдин, Әлфәс Гайфуллин, Илфар Хәсәнов, Айрат Әюпов, Илдар Баязитов һ.б. Пленум утырышында шулай ук Голәмәләр, Казыйлар һәм Аксакаллар Шураларының яңартылган составлары кабул ителде.

Моннан тыш, Пленумда Рамазан тәртипләре турында хәбәр иттеләр: агымдагы елда ул 27 майда башлана. Беренче тәравих намазы республика мәчетләрендә 26 майда укыла. 25 июньдә – гает көне. Фидия сәдакасы - 200 сум. Зәкят түләү өчен нисаб күләме - 198 000 сум. Фитыр сәдакасы - 100 сум. 

Пленумда шулай ук мәчетләрне һәм зиратларны теркәү, уку йортларына абитуриентлар туплау һ.б. мәсьәләләр карадылар.
Сурәт - 1
Сурәт - 2
Сурәт - 3
Сурәт - 4
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана