Мөфтигә мөселман көрәше буена мастер-класс күрсәттеләр
Татарстан мөселманнарының Диния нәзарәтендә мөфти Камил хәзрәт Сәмигуллинга Көньяк-Көнчыгыш Азиядә зур таралыш алган мөселман көрәше - пенчак силат буенча мастер-класс күрсәттеләр. Кунаклар булып Россия сугышчан сәнгатьләре Берлегенең Татарстан Республикасындагы башкарма комитеты җитәкчесе Александр Даренко, Филиппин һәм Индонезия сугышчан сәнгатьләренең халыкара ассоциациясенең рәсми вәкиле, «Контрадос» тактик әзерлек буенча Казан клубы җитәкчесе Айдар Сәйфетдинов, Грандмастер Родел Дагук һәм Россиядәге келуарга пенуак силат нусантара вәкиле Михаил Рязанов килде.
Очрашуның максаты – көрәш техникасын күрсәтү һәм аны Татарстанда популярлаштыру мөмкинлекләрен карау.
