Бүген Чистайның “Нур” мәчетендә өйлә намазыннан соң тәсбих намазы укыдылар.
Айларның патшасы булган изге Рамазан ае азагына якынлаша. Әлеге көннәрне барлык мөселманнар да аеруча хисләр белән үткәрә, игелекле эшләр башкарырга, күпчелек вакытларын намаз һәм дога кылып уздырырга тырыша.
Шуңа күрә дә Чистай мөхтәсибәте Рамазан аеның соңгы ун көннәренең берсендә тәсбих-намазы үткәрүне матур гадәткә кертте.
Аллахның ризалыгына ирешергә теләп, күпчелек мөселманнар бүген “Нур” мәчетендә ашыкты. Биредә алар бергәләшеп намаз укыдылар, дога кылдылар.
Аллахы Тәгалә әлеге айда бернең гонаһларыбызны гафу кылып, игелекле эшләребез өчен әҗер-савапларын арттырсын иде! Амин!
