Быел Рамазан аеның фитыр сәдакасын салу өчен Түбән Кама шәһәре үзәк мәчетендә махсус әрҗәләр 20 июньдә ук куелды.
Билгеле булганча, фитр сәдакасының күләме – кешенең матди хәленә карап, 100 сумнан 600 сумга кадәр. Әгәр мөселманнар фитыр сәдакасын мохтаҗларга азык-төлек белән бирелсә тагы да яхшырак. Аллаһы илчесе (Аллаһының аңа салават-шәрифләре булсын): "Ураза гаете көнне мохтаҗ-фәкыйрьләргә, бәйрәм итәрлек ярдәм итегез, аларны соранып йөрүдән азат итегез", дигән.
Бу уңайдан Түбән Кама шәһәре үзәк мәчетендә мескеннәргә өләшү өчен махсус җыелмалар әзерләде. Аларга дүрт килограмм он, берәр килограм дөге, карабодай, макарон һәм бер кап чәй салынган. Аларны мәчеткә намазга йөрүче мөселманнар үз машиналарында таратачаклар. Якынча 750 кешегә өлеш чыгар дип өметләнә шәһәр үзәк мәчете җитәкчелеге.
