Татарстан мөфтие мөселманнарга Ураза гаетенә бүләк ясады

26 июнь 2017 ел 14:43

ТР мөфтие Камил хәзрәт Сәмигуллиннан дин кардәшләребезгә зур күчтәнәч. Намаздагы догалар яздырылган CD җыентык дөнья күрде.
Ул "Азан" мөселман радиосы студиясендә яздырылган. Тираж эшләүне "Аксу" продюсерлык үзәге башкарган. Җыентыкны кулына алучыларга мөрәҗәгать итеп болай диелә: "Бисмилләһир-рахмәнир-рахим! Һәр мөселман кешесенә Ислам диненең биш баганасы таныш. Аларның берсе — намаз уку.
Һәр мөселманга намаз уку тиешлеге турында Коръәннең күп аятьләрендә әйтелә. Шуларның берсен, “Ән-Ниса” сүрәсенең 103 нче аятен искә төшерик: “Намазны торгызыгыз, дөреслектә, намаз мөселманнарга билгеле вакытларда үтәлергә тиешле гамәл итеп йөкләтелде”
Кайберәүләр: «Намаз укыр идем, догаларын белмим», — ди. Ә ул догаларны өйрәнү бик җиңел. Ниятең генә нык булсын.
Әлеге җыентыкта Намаздагы догалар тәкъдим ителә. Татарстан мөфтие Камил хәзрәт Сәмигуллинга ияреп Сез намаз догаларын дөрес итеп, мәгънәсен аңлап укырга өйрәнерсез. Аллаһ изге ниятләрегездә ярдәмче булсын".

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана