Александр Мозафаров авыр формадагы ДЦПдан интегә. Баланың әнисе нәзарәтнең "Зәкят" хәйрия фондына чираттагы дәвалау курсын түләүдә ярдәм итүне сорап мөрәҗәгать итте. Дәвалау өчен 55 мең 500 сум таләп ителә. 20 июнь көнне Габдулла Тукай исемендәге Татар дәүләт филармониясе паркында Анатолий Шутиков җитәкчелегендә Татарстан Республикасының Дәүләт халык уен кораллары оркестры концерты булды.
Концерт барышында Александрны дәвалауга 35 мең акча җыела, ә калган 20 мең 500 сумны "Зәкят" фонды тули.
Александрның әти-әнисе Татар дәүләт филармониясенә һәм "Зәкят" фондына олы рәхмәтләрен белдерә.
