1 по 30 июль көннәрендә Лениногорск мөхтәсибәтенең “Ихлас” мәчетендә мәктәп яшендәге балалар өчен рухи-сәламәтләндерү үзәге эшлиячәк. Бер ай дәвамында бирегә 80 якын бала йөрер дип планлаштырыла.
Балаларны Ризаэддин Фәхреддин исемендәге Әлмәт ислам мәдрәсәсе шәкертләре ислам дине нигезләренә, гарәп теленә төшендерәчәк, әхлак дәресләре үткәрәчәк. Укулардан тыш балалар өчен экскурсияләр, спорт ярышлары һәм иҗади дәресләр оештырылачак.
