Бүген Кайбыч мөхтәсибәтенең 12 авыл мәхәлләләрендә балалар өчен дини эчтәлекле рухи-саләмәтләндерү үзәкләре эшли башлады. Әлеге үзәкләр 17 нче июльдән алып 29 нчы июльгә кадәр үз эшләрен алып барачаклар. 30 июль көнне әлеге үзәкләргә йөргән балалар өчен халык уеннарыннан һәм спорт уеннарыннан торган бәйрәм дә оештырылачак.
Бүген шулай ук Бүгелмәнең үзәк мәчетендә дә ир һәм кыз-балалар өчен рухи-сәламәтләндерү үзәге эшләп китте. 60тан артык баланы кече, урта һәм өлкән яшь төркемнәренә бүгәннәр. Кыз-балаларгы сабакны "Фәнис" мәдрәсәсе мөслимәләре, ә малайларга район мөхтәсибәте имамнары укытачак. Башка еллардан аермалы буларак, Татарстан халкының бай мирасын өйрәнү зур урын биреләчәк.
