Әлмәт мәдрәсәсе каршындагы рухи-сәламәтләндерү үзәге үз эшен тәмамлады. Биредә җәй дәвамында ике смена рәвешендә Әлмәт һәм Татарстанның башка шәһәр-районныннан 200 бала ял итте.
Балаларның һәр көне вакыйгаларга һәм истәлекләргә бай булды: кызлар һәм малайлар Коръән укыдылар һәм ятладылар, Мөхәммәд Пәйгамбәрнең ﷺ тормыш юлын, азан әйтергә, яңа гарәп сүзләрен өйрәнделәр. Күчел ачу чараларына да вакыт табылды: спорт ярышлары, футбол, җитез уеннар һәм эстафетларда, кул эшләре буенча мастер-классларда, сабын куыклары тамашасында ял итүчеләр бик яратып катнашты. 65нче санлы янгын сүндерү частенә экскурсия да балаларда зур кызыксыну уятты.
Ялның бер көнен рухи-сәламәтләндерү үзәгендә Татарстан нефтенең 60-еллыгы исемендәге шәһәр паркында узды: монда малайлар-кызлар мини-зоопаркны күрделәр, кинотеатрга керделәр. Саубуллашу көнендә ярминкә оештырылды һәм Коръән аятьләрен һәм сүрәләрен иң күп белүчеләр өчен бүләкләр тапшырылды.
