1 августан алып 6 сына кадәр Буаның Лащи станциясендә урнашкан “Мәгъзүм” мәчетендә Буа мөхтәсибәте белән берлектә беренче тапкыр балалар өчен җәйге дини курслар оештырылды. Курсларның төп максаты - гарәп хәрефен таныту, ислам дине белән таныштыру, балаларны спорт белән кызыксындыру иде. Балалар дини дәресләр алды, спорт белән шөгыльләнде. Ябу тантанасында Имам-мөхтәсиб Илмир хәзрәт Хәсәнов шәкертләрдән имтихан алды: сораулар бирде балаларның белемнәрен тикшерде.
