"Зәкят" хәйрия фонды Корбан бәйрәме уңаеннан "Мохтаҗларны ашат" дигән акция игълан иткән иде. Акция башланганнан бирле фондка көненә якынча 4-5 кеше мөрәҗәгать итә һәм алар авыру кешеләргә, инвалидларга, ялгыз картларга, толларга, ятимнәргә, шулай ук дини уку йортларына өләшү максатыннан, корбанлык сатып алу өчен акча китерә. Гаризалар кабул итү дәвам итә.
Быел корбанлык бәясе 7500 сум тәшкил итә. Шунысы мөһим, бу суммага терлекне чалу, эшкәртү һәм таратуны да кертелгән. Монардан тыш, фонд хезмәткәрләре корбан чалу, корбан өчен мал табуга кагылышлы сорауларга да җавап бирә.
Белешмәләр өчен: 8 (843)225-33-22. (Лобачевский урамы 6нчы йорт)
