Татарстан Республикасы мөселманнары Диния нәзарәтенең “Зәкят” хәйрия фондына физик мөмкинлекләре чикле кешеләргә тернәкләнү өчен техник чаралар кайтты. Яңа йөрткечләр һәм кул таяклары, шулай ук инвалид креслосы һәм киемнәрне исемен әйтеп калдырырга теләмәгән меценат алып килде.
Реабилитация чаралары һәм киемнәр алу өчен фондка (843) 225-33-22 телефоны белән мөрәҗәгать итәргә кирәк. “Зәкят” хәйрия фондының адресы: Лобачевский урамы, 6 йорт.
“Зәкят” фонды инвалидларга һәм мохтаҗларга (әйберләр һәм продуктлар белән) матди ярдәм күрсәтә, бүләккә инвалид коляскалары, кул таяклары, йөрткечләр, авыруларны йөртү чаралары, яңа киемнәр кабул итә.
Игелек эшләргә ашыгыгыз! Хәдистә әйтелгәнчә, хәйрия ярдәме күрсәтүчегә савап мохтаҗ кеше әлеге әсбапны кулланган саен килеп торачак.
