Баш бит > Яңалыклар > Татарстанда Коръән укучылар конкурсы старт алды

Татарстанда Коръән укучылар конкурсы старт алды

10 октябрь 2017 ел 17:36

29 октябрьдә Чистай шәһәренең “Иман” мәчетендә балалар өчен районкүләм Коръән укучылар конкурсы оештырылачак. Әлеге бәйгедә Чистайның 5 шәһәр мәчетеннән һәм 20 авыл мәчетләреннән вәкилләр катнашачак. Мондый конкурслар 2008 елдан үткәрелә һәм анда һәрдаим алтмыштан артык бала катнашып килә. Номинацияләр соңрак билгеле булачак. Конкурста катнашу өчен 3-15 яшьлек балаларны чакыралар. Коръән сүрә-аятьләрен яттан укып күрсәтү, теләсә кайсы урыннан дөрес итеп укый алу һәм тәҗвид кагыйдәләре буенча дөрес укучылар аерым бәяләнәчәк. Ноябрь аенда казыят күләмендә Коръән укучылар бәйгесен дә Чистай шәһәрендә үткәрү ниятләнә. Биредә Чистай, Алексеевски, Спас, Әлки, Нурлат, Аксубай мөхтәсибәтләреннән район турында җиңүче балалар катнашачак.