Бүген Татарстан мөселманнары Диния нәзарәтендә Мәүлид аена багышланган викторинада җиңүчеләр бүләкләнде. Викторина “Татарстан – Яңа гасыр” телеканалының “Манзара” тапшыруында үткәрелде.
Мәүлид ае дәвамында Пәйгамбәребез Мөхәммәд салләллаһу галәйһи вә сәлләмнең тормыш юлы, аның сөннәте, хәдисләре турында һәр җомга көнне өч сорау бирелде. Шул рәвешчә, викторина сорауларына беренче булып дөрес җавап биргән кешеләргә Татарстан мөфтияте тарафыннан бүләкләр вәгъдә ителде.
Бүген Татарстан мөфтиятенә җиңүчеләр чакырылды. Җиңүчеләр булып Гүзәл Сәлахиева, Фәридә Нургалиева, Мәүлетдин Галиев, Ролина Дәүләтшина, Гүзәл Шәрәфетдинова танылды. Татарстан мөселманнары Диния нәзарәтенең дәгъвәт бүлеге җитәкчесе Нияз хәзрәт Сабиров җиңүчеләргә уенда зур кызыксыну белән катнашканнары өчен рәхмәтен җиткерде һәм уңышлар теләде.
