Вәгазьчеләр, авыл җирлекләре муллалары арасында да зур кызыксыну уяткан хезмәтнең дәвамы буларак, Нияз хәзрәт “Чакыру” китабының икенчесен дә әзерләде. “Бу яңа хезмәтем өч өлештән торачак. Беренче өлештә – җомга, гает һәм никах хөтбәләре тәрҗемәләре белән урнаштырылачак. Икенчесендә җомга һәм гает вәгазьләре урын алачак. Ә өченчесендә мәкаләләр кертелде. Монда татар дин галимнәре турында мәгълүматлар табарга мөмкин булачак. Бу китабым, ин шә Аллаһ, февраль урталарына әзер булыр, дип ышанам. “Чакыру” имамнар өчен зур ярдәмлек булыр дип өметләнәбез”, – диде Нияз хәзрәт Сабиров.
22 КБ
