Бүген Татарстан Республикасы мөселманнары Диния нәзарәтенә мөфти Камил хәзрәт Сәмигуллин белән очрашуга иранлылар делегациясе килде.
Татарстан мөфтие Иран Ислам Республикасының Казандагы Генераль илчелеге җитәкчелеге вазифаларын башкаручы Алибеман Эгбали Зарч җитәкчелегендәге делегацияне кабул итте.
Әлеге очрашуда Мәскәүдәге Ислам мәдәнияте үзәге директоры Сабер Акбари Җәдди, Иран Ислам Республикасының Казандагы Генераль илчелек җитәкчесе вазифаларын башкаручы Алибеман Эгбали Зарч, Иран Ислам Республикасының Казандагы Генераль илчелеге илчесе Малекоддин Шәфәгать катнашты. Очрашуда сүз уртак проектларда катнашу мөмкинлекләре турында барды.
