Бүген Казанның Галиев мәчетендә өйлә намазыннан соң Кырым Республикасының Керчь политехник көллиятендә булган җинаятьчелек актында һәлак булганнарның һәм яраланучыларның рухына дога кылыначак.
Мөхтәрәм мөселман кардәшләребез! Сезне дә Аллаһы Тәгаләгә дога белән мөрәҗәгать итәргә өндибез, Ул Үзенең рәхмәтеннән аермыйча һәлак булучыларның җаннарын кабул итеп алса иде, шулай ук яраланучыларга шифа биреп, һәрбер илне һәм милләтне мондый трагик вакыйгалардан сакласын.
Исегезгә төшерәбез, кичә Татарстан мөфтие Камил хәзрәт Сәмигуллин шартлау вакытында һәлак булучыларның туганнары һәм якыннарына кайгы уртаклашу сүзләрен җиткерде.
