Бүген ТР мөселманнары Диния нәзарәтенең «Хәләл» стандарты буенча комитеты рәисе Ирек хәзрәт Җиһаншин Казанның Азык-төлек һәм социаль туклану департаменты җитәкчесе Рима Мөхәммәтшина белән очрашты. Бу аларның структураларның яңа җитәкчеләре сыйфатында беренче уртак утырышы булды.
Эшлекле очрашу кысаларында комитет һәм департаментның киләчәк хезмәттәшлек юллары, шул исәптән, Казанда хәләл туклану белән тәэмин ителгән мәктәпләр һәм мәктәпкәчә белем бирү учреждениеләре исемлеген киңәйтү, департаментның мәктәпләр һәм балалар бакчалары өчен файдаланыла торган итне тулысынча хәләл стандартларына күчерү мөмкинлеге турында фикер алыштылар. Моннан тыш, департаментны хәләл продукция белән тәэмин итүчеләрне билгеләү һәм авиакомпанияләр өчен бортта тәкъдим ителә торган азык-төлекнең сыйфатын арттыру мәсьәләләре дә каралды.
