14 ноябрьдә Татарстан мөфтие Камил хәзрәт Сәмигуллин һәм аның урынбасары Илфар хәзрәт Хәсәнов “Кол Шәриф” мәчетендә Татарстан Президенты Рөстәм Миңнеханов һәм Россия Президентының Идел буе федераль округындагы Вәкаләтле вәкиле Игорь Комаровны каршы алды. Мөхтәрәм кунак Түбән Новгородтан Татарстанга беренче эш сәфәре белән килгән иде.
“Кол Шәриф” мәчете комплексында узган очрашуда хәзрәт Игорь Анатольевичка республикадагы дини вәзгыять, Россиядә һәм Татарстанда ислам үсеше тарихы белән таныштырды, Казанның йөзек кашы – "Кол Шәриф" мәчете үзенчәлекләре турында, шулай ук мәчетнең уникаль башлангычы – бертуктаусыз Коръән-Кәрим укылу турында сөйләде.
ТР Президенты матбугат хезмәте фотосы файдаланылды.
