Рамазан ае башланырга 25 көн калды: Татарстанда “Чиста мәчет” акциясе дәвам итә

11 апрель 2019 ел 15:41

Барлык мөселманнар өчен Изге Рамазан ае башланырга 25 көн калып бара. Әлеге мөбәрак айга аяк басар алдыннан, Татарстанда “Чиста мәчет” акциясе көннән-көн киңрәк колач ала. Әлеге башлангычның төп максаты – республика мәчетләрендә җыештыру-чистарту эшләрен башкару.

Акция кысаларында Татарстан мөфтияте волонтерлары Лаеш районы Усад авылының “Ихлас”, Казанның Борисоглебск бистәсендә урнашкан “Өмет” мәчетләрендә өмә оештырды. Киләсе якшәмбе, ягъни 14 апрель көнне 09.00дә, яшь активистлар башкаланың Киров районы “Рамазан” мәчетен (Казан ш., Окольная ур., 25 Б йорт, Горький шоссесы тукталышы) тәртипкә китерәчәк. Гыйбадәт йортының тәрәзләрен, диварларын, идәннәрен юу, шулай ук мәчет янындагы территорияне чүп-чардан арындыру планлаштырыла. Егет-кызлар бу эшне Аллаһ ризалыгы өчен башкара һәм Аның олы рәхмәтенә ирешергә омтыла. Әлеге саваплы эштә катнашырга теләүчеләр сылтама буенча теркәлү уза ала.

Искәртеп үтик: “Чиста мәчет” акциясе Татарстан Республикасы мөселманнары Диния нәзарәтенең социаль үсеш бүлеге тарафыннан 2017 елдан бирле тормышка ашырыла. Бу вакыт эчендә акциягә йөзләп яшь мөселман-волонтер җәлеп ителде, алар әлеге хәйрия чарасы кысаларында Ураза һәм Корбан бәйрәмнәре алдыннан дистәдән артык мәчетне җыештырды.

Пәйгамбәребез Мөхәммәд ﷺ болай дигән: “Минем өммәтемә шундый саваплар күрсәтелде ки, алар арасында хәтта мәчеттән алып чыккан тузан бөртеге өчен дә савап бар иде” (Тирмизи).

Аллаһы Тәгалә игелекле гамәлләрне кабуллардан кылсын!

Барлык ММЧ вәкилләрен әлеге чараны яктыртуда катнашырга чакырабыз! Аккредитация өчен телефон: 89172939706 (Резеда).

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана