Баулы районы Васькино-Туйралы авылында яңа мәчет манарасына ай куелды

23 май 2019 ел 14:15

Бүген Татарстанның Баулы районы Васькино-Туйралы авылында төзелә торган яңа мәчеткә ай куелды. Тантаналы чарада Баулы районы башлыгы урынбасары Ринат Хәмидуллин, район имам-мөхтәсибе Әнвәр хәзрәт Хәмитов, күрше авыл имамнары, авыл халкы һәм күпсанлы кунаклар катнашты.

Васькино-Туйралы – чуаш авылы, әмма анда яшәүчеләрнең яртысын диярлек татарлар тәшкил итә. Бу авылда беркайчан да мәчет булмаган. Гыйбадәт йортын төзү эшенә күптән түгел Урыссуның “Фәнис” мәдрәсәсен тәмамлаган эшмәкәр Рафаил Хәсәншин алынган. Мәчеткә нигез ташы 2018 елның июнендә салынган. Хәзерге вакытта төзелеш эшләре дәвам итә.

Имам-мөхтәсиб Әнвәр хәзрәт Хәмитов тантана кунакларын сәламләп: “Бүген без – тарихи вакыйга шаһитләре: беркайчан да мәчет булмаган авылда Рамазан аенда мәчет манарасына тантаналы төстә ай куела. Купләрнең мәчет салу ниятен хуплавы авыл халкының дус һәм бердәм булуын күрсәтә. Киләчәктә бу изге йорт халыкка хезмәт күрсәтер, иман нуры өләшер, ИншаАллаһ!” – диде.

Мәчетне салдыручы Рафаил Хәсәншин район администрациясе, имамнарга һәм авыл халкына төрле яклап ярдәм күрсәткәннәре өчен рәхмәт сүзләре җиткерде.

Рәсми чыгышлардан соң, мәчет манарасына ай кую тантанасы булды. Айны урнаштырганда, авыл ир-атлары һәм район имамнары тәкъбир әйтеп торды.

Мәчет “Шәрип” исемен йөртәчәк. Намаз залының мәйданы 60 кв.м.ны тәшкил итә. Манара биеклеге – 14 м. 

Баулыда бүгенге көндә 3 мәчет төзелә. 21 май көнне Татарстан мөфтие Камил хәзрәт Сәмигуллин катнашында Потап-Томбарлы авылында “Нур” мәчете ачылды. Татарстанда барлыгы Рамазан аенда 3 мәчет ачылды – Актанышта, Норлатта, Баулыда.

Сурәт - 1
Сурәт - 2
Сурәт - 3
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана