Рөстәм хәзрәт Вәлиуллин Казаннан хаҗиларның беренче төркемен изге сәфәргә озатты

25 июль 2019 ел 18:11

Бүген, Зөлкагдә аеның 22-нче көнендә, Казаннан беренче төркем хаҗ сәфәренә юл тотты. Булачак хаҗиларны озату һәм аларга үзенең үгет-нәсыйхәтләрен бирү өчен “Казан” халыкара аэропортына Татарстан мөфтиенең беренче урынбасары Рөстәм хәзрәт Вәлиуллин килде.

Бүген сәфәргә кузгалган булачак 49 хаҗи Мәккәгә «Супер-эконом» программасы буенча барачак. Әлеге программа үз эченә катнаш маршрутны ала. Башта татарстанлылар “S7 Airlines” авиакомпаниясе рейсында Казаннан Мәскәүгә юл тота. Ил башкаласына алар 18.30 сәгатьтә килеп җитәр дип көтелә. Монда аларга Татарстан хаҗиларының 49 кешедән торган тагын бер төркеме кушылачак, соңгыларының сәфәре Мәскәүдән башлана. Шул ук көнне 23.20 сәгатьтә әлеге ике төркем «Emirates Airlines» авиакомпаниясе рейсында Дубайга (БГӘ) оча, аннары алар Мәккәгә кадәр баручы уңайлы автобусларга күчеп утырачак. Автобусларда аларның ике тәүлек чамасы баруы планлаштырыла. Хаҗиларның Мәккәгә 27 июль көнне кич килеп урнашуы көтелә. Сәфәрнең озынлыгы якынча 29 көнне тәшкил итәчәк.

Очрашу аэропорт эчендә рейска теркәлү алдыннан оештырылды. Рөстәм хәзрәт Вәлиуллин изге сәфәргә ниятләп чыккан дин кардәшләребезне сәламләп, ихлас күңелдән тәбрикләде: “Сез мөселман кешесе тормышындагы төп сәфәргә – хаҗ сәфәренә кузгаласыз. Әлбәттә, сәфәр җиңел түгел, хаҗ сәфәре аеруча. Әмма онытмагыз: Аллаһы Тәгаләгә шөкер итегез, бары Аннан гына ярдәм сорагыз. Ул сезне туры юлга күндерде, сезгә шушы сәфәрне насыйп итте. Хәерле юллар сезгә! Хаҗларыгыз кабул булсын!”.

Рөстәм хәзрәт дин кардәшләребезгә кайбер киңәшләрен дә бирде: “Сез катнаш турны сайлагансыз. Хәзер Мәскәүгә, анннары Дубайга очасыз. Дубайдан соң автобусларда изге җирләргә килеп җитәрсез. Хаҗи өчен иң беренче чиратта кирәк булган әйбер – сәламәтлек. Исәнлегегезне саклагыз. Юлда барган вакытта суны күп эчмәгез, бу сәламәтлек өчен зыянлы. Дөрес, уңайлы аяк киемен сайлагыз, чөнки сезгә болай да бик күп җәяү йөрергә туры киләчәк. Җәяү йөргәндә сез бик күп кимчелекләрне күрергә мөмкинсез, әмма аларга игътибар итмәгез, күзегезне төшерегез. Дин кардәшегезнең бер кимчелеген бу дөньяда яшерсәгез, Аллаһы Тәгалә сезнең бер кимчелегегезне ахирәттә яшерер. Изге сәфәргә ниятләгәч, сезгә ызгышу, сүгенү, кемне дә булса тәнкыйтьләү катгый тыела”.

Алга таба мөфтинең беренче урынбасары, үгет-нәсыйхәтләрен дәвам итеп, кайбер куркынычсызлык кагыйдәләренә игътибар юнәлтергә өндәде: “Сезнең төркем җитәкчегез бар. Ул – Буа районы имам-мөхтәсибе Илмир хәзрәт Хәсәнов. Аның сүзен тыңлагыз, киңәшләреннән чыкмагыз. Аеруча бер мәсьәләгә игътибар итегез: төрле җирдә, төрле урыннарда таныш булмаган кешеләр сезгә буклетлар, листовкалар, китаплар таратырга мөмкин. Берүк аларны ала күрмәгез, чөнки китапның тышына карап кына аның экстремистик әдәбиятмы-юкмы икәнлеген белеп булмый”.

Очрашуда журналистларның сорауларына шулай “ДУМ РТ Хаҗ” рәсми операторының җитәкчесе Ранис хәзрәт Вахитов җавап бирде. Ул искәртеп үткәнчә, Татарстаннан хаҗиларны 40-лап квалификацияле имам-төркем җитәкчеләре, төрле медицина җиһазларына һәм медикаментларга ия 20 табиб озатып йөриячәк. Яшәү урыннарында шулай ук Татарстан хаҗилары өчен махсус оештырылган медицина пунктлары тәүлек буе эшләячәк. Барлык хаҗилар да юлга чыгар алдыннан тиешле прививкаларны ясаттылар, медицина тикшерүе үттеләр. Шулай ук Татарстан мәчетләрендә хаҗ дәресләре дә үткәрелде. Гомумән, мөфтиятнең “ДУМ РТ Хаҗ” рәсми операторы изге сәфәрнең югары дәрәҗәдә үтүе өчен зур тырышлык куйды. Әйтергә кирәк, “ДУМ РТ Хаҗ” – Россиядә хәнәфи мәзһәбе кануннары буенча хаҗ гыйбадәтен үтәүне күздә тоткан бердәнбер оператор булып тора.

Шунысын да билгеләп үтик: Татарстан хаҗиларының 196 кешедән торган беренче 4 төркеме хаҗ кылырга кичә, 24 июльдә, китте. Алар Мәскәүдән Согуд Гарәбстанына очты.

Быел “ДУМ РТ Хаҗ” рәсми операторы программалары белән 1800 кеше хаҗ кыла. Изге сәфәргә барлыгы 36 төркемне җибәрү күздә тотыла.

Хаҗиларның соңгы төркеме Казаннан 4 августта китәчәк.

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Сурәт - 7
Сурәт - 8
Сурәт - 9
Сурәт - 10
Сурәт - 11
Сурәт - 12
Сурәт - 13
Сурәт - 14
Сурәт - 15
Сурәт - 16
Сурәт - 17
Сурәт - 18
Сурәт - 19
Сурәт - 20
Сурәт - 21
Сурәт - 22
Сурәт - 23
Сурәт - 24
Сурәт - 25
Сурәт - 26
Сурәт - 27
Сурәт - 28
Сурәт - 29
Сурәт - 30
Сурәт - 31
Сурәт - 32
Сурәт - 33
Сурәт - 34
Сурәт - 35
Сурәт - 36
Сурәт - 37
Сурәт - 38
Сурәт - 39
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана