Бүген Татарстан Республикасы Президенты Рөстәм Миңнеханов Лаеш районының Никольское авылына эш сәфәре барышында «Кәүсәр» ит эшкәртү комплексы эшчәнлеге белән танышты. Аның белән бергә производствоны Татарстан мөфтие Камил хәзрәт Сәмигуллин һәм ТР авыл хуҗалыгы һәм азык-төлек министры Марат Әхмәтов та өйрәнделәр.
«Кәүсәр» авыл хуҗалыгы кулланучылары агрологистика кооперативы җитештергән продукция Татарстан Республикасы Диния нәзарәтенең Хәләл стандарты буенча Комитеты тарафыннан шәригать таләпләренә туры килү-килмәүгә сертификацияләнде. «Каусар» АХҖК җитештерә торган продукция арасында казылыклар, сосиска, паштетлар, ысланган үрдәк һ. б. бар. Ит эшкәртү буенча бу яңа мәйданчыкны ачу мөселман кулланучылары өчен хәләл продуктлар ассортиментын киңәйтәчәк.
Рөстәм Миңнеханов җитештерүне карап йөргәндә хәбәр иткәнчә, «Кәүсәр» АХҖК проекты агрологистика комплексының ит эшкәртү буенча мәйданчыгын, терлек чалу цехын, логистика үзәген, продукцияне саклау складларын булдыруны күз алдында тота. Аена 300 тонна колбаса әйберләре җитештерү, тәүлегенә 6 мең баш кош чалу, шулай ук 1000 тонна туңдырылган һәм суытылган продукция саклау планлаштырыла.
ТР Президенты матбугат хезмәте фотолары һәм хәбәре файдаланылды.
