Бүген, мөселман мәгариф оешмалары мөгаллимнәренең VII форумы кысаларында Татарстан мөфтие Камил хәзрәт Сәмигуллин дини уку йортларында белем алучы студентларга – уку алдынгыларына һәм иҗтимагый эштә актив булган, олимпиада, конкурс, викториналарда җиңү яулаган шәкертләргә Татарстан мөфтие стипендияләре тапшырды.
Әлеге акчалата бүләккә дини уку йортларында белем алучы барлыгы тугыз студент лаек булды: Янтимиров Камил (Урыссуның “Фәнис” мәдрәсәсе), Низамов Булат (РИИ), Хәйруллин Самат (“Мөхәммәдия” мәдрәсәсе), Хаҗиев Нәфис (Чаллының “Ак мәчет” мәдрәсәсе), Мостафин Камил (Ислам динен кабул итүгә 1000 ел исемендәге мәдрәсә), Җәләлиев Данир (Буа мәдрәсәсе), Шәрипов Әхмәт (Әлмәт мәдрәсәсе), Чистабаев Рәис (КИУ), Моратов Әмир (Казан ислам колледжы).
Мөфти Камил хәзрәт Сәмигуллин махсус стипендияләрне тапшырып, шәкертләрне киләчәктә дә яхшы итеп укырга һәм мәдрәсә тормышында актив катнашырга чакырды.
Татарстан мөфтие стипендияләре ел саен көндезге бүлектә укучы тырыш шәкертләргә бирелә.
