Бүген, җөмәдәл-әүвәл аеның 7 көнендә (2нче гыйнварда), Татарстан Республикасы мөселманнары Диния нәзарәте "30/40" мөселман форумын башлап җибәрде. Форум Болгар ислам академиясе бинасында ачылды һәм үз эшен дә монда дәвам итәчәк.
“30/40” форумы кысаларында Диния Нәзарәте катнашучылар өчен бай программа әзерләде. Укулар Аллаһның күркәм исемнәре темасына багышланган. Фәнни-танып белү дәресләре экскурсияләр һәм күңел ачу программалары белән чиратлап алып барылачак.
Форумда катнашу өчен 30 яшьтән алып 40 яшькәчә 40 кеше сайланды. Алар Татарстаннан гына түгел, Мәскәү, Башкортостан, Чиләбе, Ульян, Ырынбур өлкәләреннән килде.
Форум 5 гыйнварга кадәр дәвам итәчәк.
