Бүген, нәзарәтнең аксакаллары, еллык җыелышы узганнан соң, Шәдке авылына сәфәр кылды. Биредә алар авыл зиратына кереп, күптән түгел автоһәлакәтта вафат булган Фәрит хәзрәт Шәйхиевның каберен зиярәт кылды. Әлеге чарада район башлыгы Нәҗип Хаҗипов та булды. Теләче мөхтәсибе Исмәгыйль хәзрәт Фәләхиев Коръән аятьләре укыды, ТР мөселманнары Диния нәзарәте Аксакаллар шурасы рәисе Айрат хәзрәт Әюпов дога кылды. Аннары кунаклар мәрхүм хәзрәт хезмәт куйган Шәдке авылы «Сәлимҗан» исемендәге мәчеткә керде, биредә икенде намазы укыды, аннары Фәрит хәзрәтнең өенә барып, аның гаилә әһелләре белән аралашты, балаларының хәлен белде, укулары белән кызыксынды, киләчәктә дә кулдан килгәнчә булышырга, ярдәмнәрдән ташламаска вәгъдә бирде. Авылдашлары исә Фәрит хәзрәтне бик яхшы кеше, авыл өчен янып йөрде, халыкны мәчеткә чакыру буенча зур тырышлык куйды дип искә алды.
Исегезгә төшерәбез: Фәрит хәзрәт Шәйхиев 20 нче гыйнвар көнне арабыздан китте. Ул 15 ел дәвамында Шәдке авылында имам булып хезмәт итте. Хәзрәтнең хатыны, өч баласы, карт әнисе калды. Олы уллары Җәүдәткә – 13, уртанчылары Сәгыйтькә – 9, кечкенә кызлары Мәрьямгә – 6 яшь.
Аксакаллар Теләчедә автоһәлакәттә вафат булган Шәдке авылы имамы рухына дога кылдылар
06 февраль 2020 ел 16:55
![Аксакаллар Теләчедә автоһәлакәттә вафат булган Шәдке авылы имамы рухына дога кылдылар](/netcat_files/398/569/DSC03883.jpg)
Соңгы яңалыклар
![](/netcat_files/398/569/DSC_4158.jpg)
Мөфти Камил хәзрәт: “Татарстан – Россиядә ислам финанслары үсешенең төп үзәге”
25 июль 2024 ел 14:43
![](/netcat_files/398/569/DSC_3765.jpg)
Казанда БРИКС илләренең халыкара Коръән укучылар бәйгесе башланды. Жюрида Татарстан Нәзарәте казые эшли
24 июль 2024 ел 14:56
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы