24 апрельдә, Рамазан-шәриф аеның 1-нче көнендә, Татарстанда Галиев мәчетеннән Коръән хәтем кылу – Изге Китапны тулысынча укып чыгу башлана. Хәтем кылуны татар Коръән-хафизлары башкара, алар шулай ук Изге айга багышланган хәдисләр сөйләячәк. Хәтем кылу уразаның соңгы көнендә төгәлләнәчәк.
Коръән хәтем кылу ТР мөселманнары Диния нәзарәтенең рәсми сайты аша туры эфирда барачак. Онлайн-трансляцияне көн саен 12.30 сәгатьтән «Рамазан – 2020: төп сораулар» рубрикасында карау мөмкин булачак.
