Рабигыль-ахир аеның 7-нче көнендә (22 ноябрьдә), Татарстан мөфтие Камил хәзрәт Сәмигуллин ир-атлар арасында джиу-джитсу буенча Ульяновск өлкәсе чемпионатында катнашты. Әлеге чемпионатта Идел буе федераль округының күпләгән төбәкләреннән – Башкортстан, Татарстан республикасыннан, Самара, Ульяновск өлкәләреннән һ.б. барлыгы йөзгә якын катнашучы көч сынашты. Бу ярышларда Камил хәзрәт Сәмигуллин 77 кг үлчәү категориясендә катнашып, ветераннар төркемендә уңышлы чыгыш ясады һәм I урынны яулады. Ачык турнирда Татарстан данын яклап, 5 кеше I урынга, тагын 4 катнашучы призлы урыннарга лаек булдылар. "Без мондый ярышларда тәҗрибә туплыйбыз, осталыкны арттырабыз. Ветераннар төркемендә җиңүчеләрнең артуы сөендерә”, – дип билгеләп үтте тренер, ТР Джиу-джитсу федерациясе президенты Айрат Кәлимуллин.
Джиу-джитсу буенча Ульяновск өлкәсе чемпионатында җиңү яулаучы һәм призлы урыннар алучы татарстанлылар:
85кг, ир-атлар:
Вәлиев Раиф I урын
Осипов Евгений II урын
Хәкимуллин Гадел III урын
62 кг, ир-атлар:
Мөхәмәдшин Инсаф I урын
Шәрипов Госман III урын
56 кг, ир-атлар:
Джомадов Камёб III урын
94 кг, ветераннар:
Арсланов Ирек II урын
85 кг, ветераннар:
Осипов Евгений I урын
77 кг, ветераннар:
Сәмигуллин Камил I урын
69 кг, ветераннар:
Досалиев Руслан III урын
