Бүген, Рамазан аеның 11-нче көнендә (23-нче апрельдә), Татарстан мөфтие Камил хәзрәт Сәмигуллин Буа районына эшлекле сәфәр кыла.
Көн тәртибе буенча, сәгать өчтә “Импульс” спорт комплексында яшьләр хәрәкәтен үстерүнең актуаль мәсьәләләренә багышланган түгәрәк өстәл утырышы узды. Әлеге чарада Татарстан мөфтие Камил хәзрәт Сәмигуллин, Татарстан Республикасы яшьләр эшләре министрының беренче урынбасары Тимур Сөләйманов һәм Буа муниципаль районы башлыгы Ранис Камартдинов катнашты. Алга таба “Буа яшьләре: беренче булырга вакыт” белем бирү форумы катнашучылары белән ачык диалог узды.
Аннары мөфти Камил хәзрәт Сәмигуллин Буа мәдрәсәсе шәкертләре белән очрашты, аларның сорауларына җавап бирде. Мөфти мәдрәсәнең яңа сафка баскан универсаль спорт залы белән танышты, яшьләрнең ирекле көрәш һәм татар милли көрәше белән шөгыльләнүләрен карады.
