Изге Рамазан аенда “Киләчәккә өмет белән” (“С верой в будущее”) хәйрия фонды һәм Казанның “Сәлах” мәчете, шулай ук киң күңелле мөселман кардәшләребез, Татарстанның дини уку йортлары мөгаллимнәренә ярдәм итеп, аларга ифтар җыелмалары тарату буенча хәйрия акциясе үткәрде.
9 май көнне волонтерлар ярдәме белән 12 ислам уку йортында белем бирүче мөгаллимнәргә – КИУ, 8 мәдрәсә, Алабугадагы “Ихсан” мәктәбе, Әлмәттәге “Нур” мәктәбе, Казандагы “Госмания” мәктәбе укытучыларына ифтар җыелмаларын тарату оештырылды. Азык-төлек тартмаларын барлыгы 244 мөгаллим алды. Җыелмалар эченә ярмалар, май, ит һәм колбаса ризыклары, төрле консервалар, сгущенка, хөрмә, йомырка, чәй керде. Хәйрия акциясе ислам уку йортлары укытучыларына ярдәм күрсәтү һәм аларның бәяләп бетергесез хезмәтләре өчен рәхмәт белдерү максатыннан тормышка ашырылды.
