Бүген, шәүвәл аеның 28 нче көнендә (18 нче майда), “Россия – ислам дөньясы: KazanForum” XIV Халыкара икътисадый форумы мәйданчыгында мөселман эрудитлары өчен ислам турында “MuslimQuiz” интеллектуаль уены башланды. Яшьләр катнашындагы 2 интеллектуаль ярышны Татарстан мөселманнары Диния нәзарәте оештыра. Уен рус һәм инглиз телләрендә алып барыла. Мөселман эрудитлары уеннарында дөньяның төрле илләреннән 140 кеше катнаша: Россия, Төрекмәнстан, Таҗикстан, Үзбәкстан, Кыргызстан, Бангладеш Халык Республикасы. Россия командасы составында – КИУ студентлары һәм белгечләре, “Мөхәммәдия” мәдрәсәсе, Чистай мөхтәсибәте мөселманнары, “Госмания” мәктәбе, махсуслаштырылган укыту фәнни үзәге – “IT-лицей” мәктәбе, “Сетевая компания” АҖ, КИУның Госман ибне Гаффан исемендәге Коръән хафизлар әзерләү үзәге һәм башкалар.
Бүген уенчылар ислам икътисады, туризм, дин буенча ярыша. Иртәгә аларны тарих, география, тел, медицина, сәнгать һәм башка сораулар турында сораулар көтә.
Һәр уен 6 раундтан тора. Аның нәтиҗәләре буенча 3 җиңүче команда билгеләнәчәк.
