Тиздән күзләре күрмәүче мөселманнарны укыту дәреслеге нәшер ителер, Аллаһы боерса

01 август 2012 ел 09:44

Элек Казан һәм Татарстан мөселманнары гына түгел, бәлки Россиядәге күзләре күрмәүче әһле ислам изге китабыбыз Коръәнне үз куллары белән тотып уку нигъмәтеннән мәхрүм иде. Моннан 10 ел элек, ягъни 2002 елда «Сөләйман” мәчетенә Илдар хәзрәт Баязитов имам-хатип итеп билгеләнгәч, Аллаһының рәхмәте белән сукыр мөселманнарга андый мөмкинлек тудырылды. 
Бүгенге көндә исә 600дән артык күзләре күрмәүчеләр Казанга килеп, Брайль системасында язылган Коръәнне укып, өйрәнеп китү бәхетенә иреште. Тик шунысы кыен иде: күзләре күрмәүчеләргә Коръәнне укыту өчен беркайда да, хәтта Россия Дәүләт Сукырлары китапханәсендә дә дәреслекләр булмау үзен нык сиздерде. Шуңа күрә әлеге дәреслекне әзерләү кебек мөһим эшкә "Сөләйман”дагы Күзләре күрмәүче мөселманнарны укыту-тернәкләндерү үзәге директоры Мәликә ханым Гыйльметдинованың үзенә алынырга туры килде. 
Ниһаять, бу көннәрдә Мәликә Рәфкать кызының сукырларны укытудагы 10 еллык эш тәҗрибәсе "Зрячим о незрячих” китабы рәвешендә рус телендә дөньяга чыгу алдында тора. 200 биттән артып киткән җыентыкта 6 бүлек бар. Аның беренчесендә күзләре күрмәүче кешеләр турында Коръәннән аятьләр, Пәйгамбәребезнең хәдисләре китерелгән. Икенче бүлек исә сукырларның психологиясенә багышланган. Анда шулай ук кириллицага күчерелгән Брайль системасы турында мәгълүмат та бар. 
Бу китаптагы иң зур бүлек ул - "Күзләре күрмәүчеләр өчен тәҗвид” дигәнедер, мөгаен. Биредә Коръәнне укуда ярдәм итүче 13 дәрес рәвешендәге гарәпчә кагыйдәләр Брайль теленә күчереп язылган. Әлеге мәҗмугадагы дүртенче бүлектә - күзләре күрмәүчеләрне тернәкләндерү дәресләре, бишенче бүлектә - аларны компьютерга өйрәтү ысуллары, соңгы бүлектә "Сөләйман” мәчетендә күзләре күрмәүчеләрне укыту тәҗрибәсе хакында язылган. 
"Китапны әзерләүдә педагогия фәннәре кандидаты Гөлназ Сабитова, "Сөләйман” мәчете имамы Илдар хәзрәт Баязитов, "Ярдәм” Ислам милли хәйрия фонды президенты Илһам Исмәгыйлевның ярдәме зур булды. Мин аларга һәм кирәкле мәгълүматны эзләп табуда булышкан һәркемгә, рецензия язучыларга да бик рәхмәтле”,-диде Мәликә ханым Гыйльметдинова безнең хәбәрчебезгә. 
Бу китапның басылып чыгуын Чечня, Дагыстан кебек үзәктән еракта урнашкан җөмһүриятләрдә аеруча көтеп торалар икән. Әлеге дәреслекне кулларына алгач, алардагы күзләре күрмәүче мөселманнар да Коръәнне уку бәхетенә ирешер, иншә Аллаһ. 


Хатыйп ГӘРӘЙ

Башка журналлар

Акчаң гына булсын

Татарстан хаҗиларын ерак­тан ук яшел төстәге ки­емнәреннән, сумкаларыннан танырга мөмкин икән...

28 октябрь 2014 ел 13:25

Зәкят байлыгыңны һәм күңелеңне чистарта

Зәкят, гошер, фитыр, фидия, кәфарәт сәдакаләре, алардан кала тагын нәфел сәдакаләр – аларның кайсы...

20 октябрь 2014 ел 09:38

“Хәләл” диләр дә ул...

Хәләл ризык белән тукланам диючеләргә хәзер бернинди дә каршылык юк. Кибет киштәләрендә ит...

14 октябрь 2014 ел 09:36

Аллаһы Тәгалә адәм баласына җанны әманәт итеп бирде

Кеше бу дөньяга гомере буе гел рәхәттә яшәү өчен генә килми.

14 октябрь 2014 ел 09:21
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана